آرُزُمِ کِ بِزِن یَک بَرُوُنِ شَلاخی
بَرُوُنی! شَرقُو اُ غُرِشتیُ سَیلابِی
بِشَخِ اُو اَز اُو شَخَنِ تَنگِ گُرُوُ
اُو اَ پُشتِ سَد وَی سِ! سِقَدِ اُشتُرُوُ
فُرفُرِ اُوِ لَبُوِ جاغَن اُ سَنگ
کَل اُ بُز خُش رَسَنَیسُون کَفِ تَنگ
کِکِر، کِکِرِ کا اُوگ اُ طِیُواُ بَکنَه
چَمبَر شُوزَتِ اَ دا اُورِ اُو اِن کُمبَه
جَس جَس اُ فَلُند دُومِیل شِ شاخِ کُنار
وَ چِنگِ تَکَلُوش لُونَه اَبَسای وَ خَشار
چَشِ یاقُوتی اِ جُغد اُ فَلِ شاهینِ بُلَند
اَز هَوا چَنگ اُشبِسُ طُمعَه اُشواکِ بُلَند
عَسَل اُشبَسِ دَمِ غار بَقَدِ نُوبَنَه
وَ دُو گُپ اُشدا فُوتُ شَزیر با قابلَمه
(بامدادی) وَرِ شَص سال گُذشتِ اَز بَرُوُنِ گُتُو
اَمَ جا اُو اُشبا بِجُز قَعلَه اُ مَحلهِ کُوووُ